Завяршыўся магістрат SPADČYNA-ВРОЦЛАЎ

Удзельнікамі клуба з’яўляюцца 84 чалавекі, каля 40 з іх – актывісты, якія рэгулярна наведваюць заняткі і рэалізоўваюць свае асабістыя праекты ў межах супольнай працы.

Да дзейнасці клуба Spadčyna далучыліся 5 куратараў (народныя спевы, побытавыя танцы, гісторыя, рукадзелле і правы чалавека).

Створаныя Дыскусійны і Гістарычны Клубы “Летапіс”. Зацікаўленасць іх удзельнікаў традыцыйнай культурай беларусаў, народнай творчасцю перарасла ў задумку стварыць комікс па легендзе аб Белай Панне Гальшанаў.

Распрацоўваецца некалькі экскурсійных маршрутаў па Вроцлаве. У гэтую справу ўключаныя як дарослыя куратары Клубу, так і ўдзельнікі-дзеці.

Арганізаваныя заняткі па традыцыйным рукадзеллі, па беларускай мове, ладзяцца заняткі па этнаграфіі і культуры Беларусі (спевы і побытавыя беларускія танцы), паспяхова праходзяць трэнінгі па грамадазнаўстве і правах чалавека.

Паспяхова праведзеныя летнік з намётамі, экскурсія ў Берлін, паходы ў горы, пікнікі. А яшчэ на базе клуба ствараецца  падлеткавы музычны гурт. Хутка будзе прэм’ера!